«Արփա» պահպանվող լանդշաֆտը ստեղծվել է WWF Հայաստանի և ՄԱԿ-ի զարգացման ծրագրերի շրջանակներում։ 2013թ-ին ստեղծվեց առաջին համայնքային կառավարվող բնապահպանական տարածքը՝ «Գնիշիկ» պահպանվող լանդշաֆտը, որը հետագայում՝ 2019թ-ին վերանվանվեց «Արփա» պահպանվող լանդշաֆտ։
«Արփա» պահպանվող լանդշաֆտը գտնվում է ՀՀ Վայոց ձորի մարզի Նորավանքի կիրճում՝ մայրաքաղաք Երևանից 120 կմ հեռավորության վրա: Պահպանվող տարածքի մակերեսը կազմում է ավելի քան 3000 հա, ընդգրկում է Արենի և Խաչիկ բնակավայրերը: Արփա պահպանվող լանդշաֆտի տարածքը հարուստ է կենդանիների և բույսերի` էնդեմիկ ու վտանգված տեսակներով։
Այդ տարածքը հանդիսանում է կարևոր էկոլոգիական միջանցք խոշոր կաթնասունների համար, ինչպիսիք են կովկասյան ընձառյուծը, բեզոարյան այծը, հայկական մուֆլոնը, գորշը արջը, եվրոպական լուսանը և այլն:
Վերը թվարկված տեսակների պահպանությունն իրականացվում է լանդտշաֆտի տեսուչների ամենօրյա վերահսկողության, մշտադիտարկման և ապօրինի գործողությունների կանխարգելման միջոցով։
Լանդշաֆտում տեղադրված ֆոտոթակարդների միջոցով հնարավոր է դառնում պարբերաբար վերահսկել կենդանիների տեղաշարժն ու կենսակերպը։
Վայոց ձոր, Եղեգնաձոր, Երևանյան խճուղի 1/8/1
arpafund@gmail.com
+374 95 95 90 07
Բոլոր իրավունքները պաշտպանված են | Ստեղծված է սիրով` VENTE
